जळगाव जिल्ह्यात सक्रिय कोरोना रुग्णसंख्या हजाराच्या आत

जळगाव : जिल्ह्यात कोरोनाचा (corona) संसर्ग नियंत्रणात येत असल्याचे चित्र असून, चार महिन्यांत प्रथमच सक्रिय रुग्णांची (Active patients) संख्या हजाराच्या आत आली. गुरुवारी (ता. २४) नवीन ३५ बाधित (New Patient) आढळून आले, तर दिवसभरात १५९ रुग्ण बरे झाले. (jalgaon distict corona active patients low)

जळगाव जिल्ह्यात कोरोनाच्या दुसऱ्या लाटेची तीव्रता मे महिन्याच्या सुरवातीपासून कमी होताना दिसतेय. मे व जून महिन्यात बऱ्यापैकी संसर्ग आटोक्यात आला असून, रिकव्हरी रेटही वाढला आहे. गुरुवारी प्राप्त ३८७३ चाचण्यांच्या अहवालात नवे ३५ बाधित आढळून आले. त्यामुळे जिल्ह्यातील एकूण रुग्णसंख्या एक लाख ४२ हजार १०७ झाली आहे, तर दिवसभरात १५९ रुग्ण बरे झाले. बरे होणाऱ्यांचा आकडा एक लाख ३८ हजार ५७१ वर पोचला आहे. गुरुवारी सलग तिसऱ्या दिवशी जिल्ह्यात एकाही मृत्युची नोंद झाली नाही. गंभीर रुग्णांचे प्रमाण कमी होऊन २३८ पर्यंत मर्यादित आहे.

असे आढळले रुग्ण
जळगाव शहर दोन, जळगाव ग्रामीण चार, अमळनेर दोन, चोपडा एक, पाचोरा एक, धरणगाव चार, एरंडोल दोन, जामनेर चार, रावेर दोन, पारोळा चार, चाळीसगाव तीन, मुक्ताईनगर एक.