जिल्हा कोविड रुग्णालयांवर आता सोळा शिक्षकांची नियुक्ती

जळगाव ः जिल्ह्यात कोरोनाबाधितांची संख्या दिवसेंदिवस वाढत आहे. या मुळे जिल्हा कोविड रुग्णालय व वैद्यकीय महाविद्यालय, डॉ. उल्हास पाटील महाविद्यालयात विषाणू बाधित/ संशयित रुग्णांना तत्काळ रुग्णालयात दाखल करण्यासाठी वेळेवर रुग्णवाहिका उपलब्ध करून देणे, रुग्णालयात दाखल होण्यासाठी विलंब होऊ न देणे, आवश्यकतेप्रमाणे बेड्स उपलब्ध करून देणे, आय. सी. यू. मध्ये दाखल असणाऱ्या व क्रिटिकल असणाऱ्या रुग्णांच्या प्रकृतीवर बारकाईने लक्ष ठेवण्यासाठी सोळा शिक्षकांची नियुक्ती करण्यात आली.

यापूर्वीही या रुग्णालयातील कर्मचाऱ्यांची उपस्थिती, हाउस किपिंग, जेवणाची सुविधा व इतर तत्सम सुविधा याबाबींच्या अनुषंगाने येणाऱ्या प्रशासकीय, तसेच नागरिकांच्या अडीअडचणी सोडविण्यासाठी संबंधित आस्थापनेच्या अधिकारी/कर्मचारी यांना सोयीसुविधा उपलब्ध करून देणे, समन्वय राखणे याकरिता तीन नोडल अधिकारी नेमले आहेत. आता विविध कामांसाठी सोळा शिक्षकांची नियुक्ती करीत आहेत.

शिक्षकांनी करावयाच्या महत्त्वाच्या बाबी

* रुग्णांना दाखल होताना अडचणी सोडविणे

* बेड मॅनेजमेंट करणे

* व्हिडिओ कॉलद्वारे पाहणी करणे

* रुग्णांना एकदा तरी भेटणे

* रुग्ण गंभीर होत असल्याचे लक्षात येताच तशी सूचना डॉक्टरांना देणे

संपादन- भूषण श्रीखंडे