वाकोद (ता. जामनेर) : जगप्रसिद्ध अजिंठा लेणीस (Ajanta Caves) मंगळवारी खासदार सुप्रिया सुळे (MP Supriya Sule) यांनी भेट दिली. खासदर सुळे यांनी लेणीतील चित्रशैली व शिल्पाचे बारकाईने निरीक्षण करून अजिंठा लेणीबाबत संपूर्ण माहिती जाणून घेतली. तसेच निसर्ग सौंदर्याचा मनमुराद आनंद लुटला.
खासदार सुळे यांचे मंगळवारी सकाळी दहाच्या सुमारास फर्दापूर येथील अजिंठा लेणी टी पॉइंटवर आगमन झाले. येथून त्यांनी अजिंठा लेणीकडे प्रयाण केले. दरम्यान, लेणी क्रमांक १ ते २६ या संपूर्ण लेण्यांची सुमारे अडीच तासापर्यंत त्यांनी अत्यंत बारकाईने पाहणी करून गाईड सय्यद अबरार यांच्याकडून लेणीतील चित्रशैली व शिल्पकलेबाबतची सविस्तर माहिती जाणून घेतली. तसेच अजिंठा लेणीतील निसर्ग सौंदर्याने नटलेल्या सप्तकुंड परिसराला भेट दिली.
दरम्यान, या वेळी भारतीय पुरातत्त्व विभागाच्या रसायन शाखेच्या एक तृतीयांश श्रेणी प्राप्त अस्थायी कर्मचाऱ्यांनी खासदार सुळे यांना निवेदन देऊन अस्थायी कर्मचाऱ्यांना नियमित सेवेत सामावून घेण्याची मागणी केली. या वेळी खासदार सुळे यांच्यासोबत भारतीय पुरातत्व विभागाचे वरिष्ठ संवर्धन सहाय्यक डी. एस दानवे, के. के. शेख पर्यटन महामंडळाचे व्यवस्थापक रामदास क्षीरसागर आदींची उपस्थिती होती.
जगप्रसिद्ध अजिंठा लेण्यांना भेट दिली. या लेण्यांमधील चित्रकला अद्भुत आहे. भारतीय चित्रकलेचा हा अतिशय सुंदर अविष्कार असून, हा देशाचा उज्ज्वल असा वारसा आहे.
-सुप्रिया सुळे, खासदार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
