पारोळ्यात शिवसेना आक्रमक..राणेंच्या विरोधात घोषणा,फोटो जाळले

पारोळा : मुख्यमंत्री उध्दव ठाकरे (Chief Minister Uddhav Thackeray) यांचे बद्दल आक्षेपार्ह विधान केल्याप्रकरणी केंद्रीय मंत्री नारायण राणे ( Minister Narayan Rane) यांचे विरोधात गुन्हा दाखल करण्याची मागणी शिवसेना जिल्हाप्रमुख डॉ. हर्षल माने (Shiv Sena district chief Dr. Hershel Mane) यांनी पारोळा पोलिसांना (Parola Police) केली आहे. या प्रकरणी पारोळ्यातील शिवसैनीक आक्रमक होवून पारोळा शहरातील महामार्गावर मंत्री राणे यांच्या विरोंधात घोषणाबाजी करून प्रतिमा जाळण्यात आली.

केंद्रीय मंत्री राणे यांनी महाड येथील पत्रकार परिषदेत राज्याचे कुटुंब प्रमुख व देशात नावलौकीक मिळविलेल्या आदर्श व्यक्तीमत्व असलेल्या मुख्यमंत्री उध्दव ठाकरे यांचे बाबत आक्षेपार्ह विधान केले होते. सदर बाब ही निंदणीय असुन याचा पारोळा तालुका शिवसेनेने निषेध करुन पारोळा पोलिसात गुन्हे दाखल करण्याची मागणी केली आहे. यावेळी पारोळा पोलिस स्टेशनचे पोलिस निरीक्षक संतोष भंडारे यांना शिवसेनेच्या वतीने गुन्हा दाखल बाबत निवेदन देण्यात आले.

राणेंविरोधात घोषणा, फोटोची जाळपोळ

मुख्यमंत्री विरोधात आक्षेपार्ह विधान केल्या प्रकरणी शिवसेनेच्या वतीने महामार्गावर घोषणा देवुन राणेंच्या प्रतिकात्मक फोटोची जाळपोळ करण्यात आली. यावेळी महामार्गावर मोठी गर्दी जमा झाल्याने काही वेळासाठी वाहतूक विस्कळीत झाली होती.

याचा होता सहभाग..

यावेळी शिवसेना जिल्हाप्रमुख डाँ हर्षल माने,तालुकाप्रमुख प्रा आर बी पाटील,शहर प्रमुख अशोक मराठे,विधानसभा क्षेत्र प्रमुख जगदीश पाटील,जळुचे माजी सरपंच रविंद्र जाधव,राजु बागडे,युवा सेनेचे आबा महाजन,दिपक शिंपी,सावन शिंपी,बाळु पाटील,भैय्या महाजन,गोपाल देशमुख,पराग गुंजाळ,चोरवडचे उपसरपंच किरण पाटील यांचेसह शिवसेना,युवासेनेचे पदाधिकारी उपस्थित होते.