जळगाव ः जिल्ह्यातील बारा बाजार समितीच्या (Market Committee) निवडणूका (Election) जाहीर झाल्याने इच्छूकांच्या आतापासूनच हालचाली सुरू झाल्या आहेत. गत निवडणूकीत डावलल्या गेल्याने यंदा तरी आपली वर्णी लागावी यासाठी इच्छूकांनी जिल्ह्यातील नेत्यांशी संपर्क सुरू केला आहे.
२०१५ ला झालेल्या बाजार समित्यांच्या निवडणूकीत काही ठिकाणी भाजप तर काही ठिकाणी शिवसेना, राष्ट्रवादीची सत्ता आली होती. यंदा राज्यात महाविकास आघाडीची सत्ता आहे. यामुळे जिल्ह्यातील बाराही समित्यात महाविकास आघाडीचे उमेदवार निवडणून आणण्यावर राष्ट्रवादी, काँग्रेस, शिवसेना या राजकीय पक्षाचा भर असेल.
असे असले तरी निवडणूक दोन ते अडीच महिन्यांनी होणार आहे. त्यासाठी कोणाला उमेदवारी द्यावयाची, कोण किती प्रबळ आहे याची चाचपणी सर्वच पक्ष करतील. त्या अनुषंगाने बैठकांचे नियोजन सर्वच राजकीय पक्षाने सुरू केले आहे. इच्छूकांनी आपण कोणत्या मतदार संघातून लढवू शकतो, निवडणूकीत किती खर्च करू शकतो, प्रतिस्पर्धी कोण उभा राहू शकेल याचा अंदाज घेणे सुरू केले आहे.
प्रत्येक समितीत १८ संचालक
बारा बाजार समित्यांच्या निवडणूकीत प्रत्येकी १८ संचालक निवडून द्यावयाचे आहे. त्यात १५ शेतकरी गटातून, २ संचालक व्यापाऱ्यांमधून तर एक संचालक हमाल मापाडी संघातील असेल.
शेतकरी गटातील ११ संचालक विकासो मधून निवडले जातील. चार संचालक ग्रामपंचायत मतदार संघातून निवडले जातील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
