जळगावच्या तरूणाची झेप; शेतकरी कुटूंबातील 'राहुल' झाला असिस्टंट कमांडंट  ​

जळगाव : तालुक्यातील आव्हाणे येथील शेतकरी कुटूंबातील राहुल वसंत पाटील याने युपीएससी (सीएपीएफ) परीक्षेमध्ये असिस्टंट कमांडंट (डीवायएसपी) परीक्षा संपुर्ण भारतातून ७३ व्या क्रमांकाने उत्तीर्ण झाला. परिस्थिती बेताची असतांना खडतर प्रवास करत त्याने नेत्रदिपक कामगिरी करत स्वप्नपुर्ती केली आहे.

आवर्जून वाचा- राष्ट्रवादी काँग्रेसचा नेता गिरीश महाजनांसंदर्भात करणार गौप्यस्पोट !
 

आव्हाणे येथील राहुलचे वडील (कै.) वसंत तुळशीराम पाटील हे शेतकरी होते. घरची परिस्थिती बेताची असताना सुद्धा त्यांनी त्यांच्या दोघा मुलांचे इंजिनिअरींग शिक्षण पुर्ण केले. राहुलचे प्राथमिक शिक्षण हे आव्हाणे येथील मराठी मुलांची शाळा येथे झाले; तर माध्यमिक शिक्षण साकेगाव येथील जवाहर नवोदय विद्यालय येथे झाले. 

आवश्य वाचा- मविप्र’ प्रकरणी गुन्ह्यात महत्त्वाची कागदपत्रे हस्तगत; कोथरूड पोलिस जळगावमध्ये मुक्कामी 
 

नोकरी सोडून परिक्षेची तयारी 
राहुलने महाराष्ट्रातील नामांकीत मुंबईच्या व्हीजेटीआय कॉलेजमधून इलेक्ट्रिकल इंजिनिअरिंगची पदवी घेतली आहे. त्यानंतर चांगल्या पगाराची लागलेली नोकरी सोडून त्याने युपीएससी तयारी करण्याचे ठरवले. मोठे भाऊ माऊली क्लासेसचे संचालक श्री रवि पाटील यांनी सुद्धा त्याला यासाठी प्रोत्साहन दिले व खंबीरपणे त्याच्या पाठीशी उभे राहिले. त्याच्या या यशाचे त्याच्या कुटुंबियांना कडून व गावकऱ्यांकडून सर्वत्र अभिनंदन होत आहे.  

 
संपादन- भूषण श्रीखंडे