रावेर: एका २५ वर्षीय विवाहित महिलेच्या पोटातून एका मोठ्या घमेलीच्या आकाराएवढा तब्बल ७ किलो वजनाचा गोळा यशस्वीरित्या (Woman Surgery) काढण्यात येथील डॉ. चंद्रदीप पाटील यांना यश आले आहे. आता या महिलेची प्रकृती धोक्याबाहेर असून तिच्यावर उपचार सुरू आहेत.
याबाबतची अधिक माहिती अशी की, रुखसाना तडवी (वय २५ वर्षे,रा पाडळा,ता रावेर) या महिलेचे पोट मधून मधून दुखत असे. या महिलेने खानापूर येथील डॉ सुरेश पाटील यांच्याकडे उपचार घेतले. औषधा नंतर थोडे दिवस बरे वाटत असे पण नंतर पुन्हा पोट दुखू लागले. दरम्यान, बाळंतपणात महिलेच्या पोटात गाठ असल्याचे डॉक्टरांच्या लक्षात आले. यावल येथील संजीवन हॉस्पिटलचे डॉ. चंद्रदीप पाटील यांनी महिलेची सोनोग्राफी करून तपासणी केली असता तिच्या पोटात मोठा गोळा असल्याचे दिसून आले.
चार तास शस्त्रक्रिया..
अखेर आज सकाळी ११ ते दुपारी ३ अशी तब्बल ४ तास शस्त्रक्रिया करून हा ३२० मिलिमीटर बाय २०५ मिलिमीटर आकाराचा व ७ किलो वजनाचा गोळा यशस्वीरित्या काढण्यात डॉक्टरांना यश आले. हा मोठा मांसल गोळा महिलेच्या गर्भाशयाजवळील बीजांडाजवळ होता त्यामुळे बीजांडासह गोळा बाहेर काढण्यात आला आहे. यावेळी डॉ चंद्रदीप पाटील आणि अनास्थेशीया सर्जन डॉ निलेश पाटील उपस्थित होते. इतक्या मोठ्या आकाराचा आणि वजनाचा गोळा पाहण्यासाठी अनेकांनी रुग्णालयात गर्दी केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
