MLA Mangesh Chavan : जिल्हा दूध संघाला सहा कोटींचा तोटा मंदाकिनी खडसे अध्यक्ष असतानाच्या काळातीलच आहे. आम्हाला केवळ तीन महिने कालावधी मिळाला असून, त्या काळात नफा झाला आहे, असे मत जिल्हा दूध संघाचे अध्यक्ष आमदार मंगेश चव्हाण यांनी व्यक्त केले.
राष्ट्रवादी काँग्रेसचे आमदार एकनाथ खडसे यांनी जिल्हा दूध संघात सहा कोटी रुपयांचा तोटा असल्याचा आरोप केला आहे. त्यावर खुलासा करताना आमदार मंगेश चव्हाण म्हणाले, की आम्ही डिसेंबर २०२२ मध्ये सत्तेवर आलो. आम्हाला जानेवारी, फेब्रुवारी व मार्च असा केवळ तीन महिन्यांचा कालावधी मिळाला.
या तीन महिन्यांत आम्ही दूध संघ नफ्यात आणला. अगोदरचा आठ ते नऊ महिन्यांचा कालावधी जुन्या संचालक मंडळाचा आहे. त्यांच्या काळात संघ एकही दिवस नफ्यात नव्हता. त्याच काळात तब्बल सहा कोटी रुपयांचा तोटा झाला.
त्यामुळे एकनाथ खडसे यांचा आरोप अत्यंत चुकीचा आहे. ‘खोटं बोल; पण रेटून बोल’ असे ते नेहमी करतात. त्याचप्रमाणे त्यांनी जिल्हा दूध संघाचा तोटा आमच्या काळातील असल्याचे म्हटले.
जिल्हा दूध संघाची आज सभा
जळगाव जिल्हा दूध संघाची वार्षिक सर्वसाधारण सभा रविवारी (ता. २४) आयोजित करण्यात आली आहे. जिल्हा दूध संघाचे विद्यमान अध्यक्ष आमदार मंगेश चव्हाण यांच्या अध्यक्षतेखाली ही सभा होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
