अमळनेर (जि. जळगाव) : तालुक्यात शुक्रवारी (ता. १०) झालेल्या वादळी पावसाने (Stormy Rain) सहा गावांत घरांचे नुकसान झाले असून, काही ठिकाणी झाडे पडून रस्ते बंद झाले होते. तालुक्यात सर्वत्र वादळी पाऊस, गारपीट (Hail) झाली. प्रभारी तहसीलदार नवनाथ लांडगे यांनी सुटी असताना सुद्धा तलाठ्यांना प्राथमिक नुकसानीचा अंदाज घेण्यासाठी पाठवले. (monsoon Rains damage houses in 6 villages in Amalner jalgaon news)
जळोद, सावखेडा, मांडळ, रंजाने, नंदगाव, धार आदी गावात घरांचे नुकसान झाले आहे. काही ठिकाणी पूर्ण घर, पत्रे तर काही ठिकाणी भिंती पडल्याने कुटुंब उघड्यावर आली आहेत. मांडळ येथे माध्यमिक शाळेच्या दोन खोल्यांचे पत्रे उडल्याची माहिती मुख्याध्यापक बापू चव्हाण यांनी दिली. मांडळ परिसरात देखील अनेक ठिकाणी झाडे पडली होती. अमळनेर - जळोद रस्त्यावर झाडे पडून रस्ता बंद झाला होता. सार्वजनिक बांधकाम विभागाच्या मदतीने रस्त्यावरील झाडे हटविण्यात आली. सोमवारी सविस्तर पंचनामे करण्यात येऊन नेमके किती नुकसान झाले याचा अहवाल प्राप्त होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
