Jalgaon Crime News : शहरातील आकाशवाणी चौकातील राष्ट्रवादी काँग्रेस भवन बाहेरून मोटारसायकल चोरट्याला पोलिसांनी तांबापुरातून अटक केली आहे. राहुल गणेश महाजन असे अटकेतील संशयिताचे नाव आहे.
तीन दिवसांतच रामानंदनगर पोलिसांनी चोरट्याला अटक करून मोटारसायकल परत मिळविल्याने दुचाकी मालकाने पोलिसांचे आभार व्यक्त केले.(Motorcycle thief arrested by police in 3 days jalgaon crime news)
भाऊसाहेब दादाजी बागूल (रा.आकाशवाणी चौक) परिवारासह वास्तव्याला आहे. गुरुवारी (ता.२३) रात्री ८ वाजता ते आकाशवाणी चौकातील राष्ट्रवादी काँग्रेस कार्यालयाजवळ आले होते.
त्यांनी त्याची दुचाकी (एमएच ४१ आर २३६३) बाहेर उभी केली असताना अज्ञात चोरट्यांनी चोरून नेली. याप्रकरणी रामानंदनगर पोलिस ठाण्यात गुन्हा दाखल करण्यात आला होता.
मात्र, चोरून नेलेली दुचाकी ही लाडवंजारी मंगल कार्यालयावरून संशयित राहुल महाजन हा घेऊन गेल्याची गुप्त माहिती रामानंदनगर पोलिस निरीक्षक शिल्पा पाटील यांना मिळाली होती.
त्यानुसार पोलिस नाईक संजय सपकाळे, जितेंद्र राजपूत, विजय खैरे, पोलिस नाईक हेमंत कळसस्कर, विनोद सूर्यवंशी, उमेश पवार, जुलालसिंग परदेशी, इरफान मलिक यांच्या पथकाने संशयित राहुल गणेश महाजन (वय-२० रा.तांबापुरा) याला अटक केली. त्याच्याकडून चोरीची दुचाकी हस्तगत करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
