चाळीसगाव (जि. जळगाव) : तालुक्यातील बिलाखेड गावातील महावितरण (MSEDCL) कंपनीच्या डीपीतून अज्ञाताने एकूण ४५ हजार रुपये किमतीच्या ऑईलची (Oil) चोरी केल्याची धक्कादायक घटना समोर आली आहे. याप्रकरणी सहायक अभियंताच्या तक्रारीवरून शहर पोलिसात अज्ञात चोरट्याविरुद्ध गुन्हा (Crime) दाखल करण्यात आला आहे. (oil worth Thousands stolen from MSEDCL DP jalgaon news)
याबाबत सविस्तर वृत्त, तालुक्यातील बिलाखेड गावातील ११ केवी शेती पंपाचा वीजपुरवठा हा १८ रोजी सायंकाळी ६ वाजताच्या सुमारास अचानक बंद पडला. त्यावर येथील स्थानिकांनी महावितरण कंपनीच्या अधिकाऱ्यांशी संपर्क करून वीजपुरवठा खंडित असल्याबाबत सांगितले. महेंद्र कैलास पाटील यांच्या तक्रारींवरून महावितरण कंपनीचे कर्मचारी सोमवार, २० रोजी सदर गावात गेले. त्यावेळी रोहित्रातील ४५ हजार रुपये किमतीचा एकूण ४५६ लिटर ऑइल अज्ञाताने चोरून नेल्याचा धक्कादायक प्रकार उघड झाला. या घटनेने परिसरात एकाच खळबळ उडाली असून सदर घटना हि शनिवार, १८ रोजी सायंकाळी ६ वाजेपासून तर रविवार, १९ रोजी दुपारी १२ वाजेच्या दरम्यान घडली आहे. या घटनेप्रकरणी सहायक अभियंता संजय मोहन सरताळे (वय-४५) रा. फुले कॉलनी, चाळीसगाव यांच्या फिर्यादीवरून शहर पोलिसात अज्ञात चोरट्याविरुद्ध गुन्हा दाखल करण्यात आला आहे. पोलीस निरीक्षक के.के.पाटील यांच्या निर्देशानुसार पुढील तपास सुरु आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
