Jalgaon News : मेहरुण तलावामध्ये अंघोळीसाठी गेलेल्या शाहूनगर परिसरातील तेरावर्षीय मुलाचा बुडून मृत्यू झाल्याची धक्कादायक घटना घडली. चार मित्र तलावात अंघोळीसाठी गेले असता, चारही गटांगळ्या खाऊ लागल्यानंतर तेथील तरुणांनी उडी घेत तिघांना वाचविले. शुक्रवारी (ता. २९) दुपारी चारच्या सुमारास ही घटना घडली.
ईशान शेख वसीम (वय १३, रा. शाहूनगर) असे मृत मुलाचे नाव आहे. घटनेनंतर तलाव परिसर, तसेच शासकीय वैद्यकीय महाविद्यालय व रुग्णालयात गर्दी झाली होती. (One died by drowning in mehrun lake jalgaon news)
शाहूनगर परिसरात राहणारे ईशान शेख, मोईन खान अमीन खान (१३), अयान तस्लिम भिस्ती (१३) व अस्लम शेख सलाउद्दीन (१३, सर्व रा. शाहूनगर, जळगाव) हे चौघे शुक्रवारी दुपारी चारच्या सुमारास मेहरुण तलाव परिसरात अंघोळीसाठी गेले. चौघेही पाण्यात उतरले व काही वेळातच ते गटांगळ्या खाऊ लागले.
वाचविण्याचा प्रयत्न
हा प्रकार आजूबाजूच्या नागरिकांच्या लक्षात आला. त्या वेळी ते मदतीसाठी धावले. यातील मोईन खान, अयान भिस्ती व अस्लम शेख हे तिघे जण लवकर हाती लागले. त्यांना बाहेर काढून त्यांच्या पोटातून पाणी काढण्यात आले. त्यानंतर ईशान सापडला. चौघांनाही शासकीय वैद्यकीय महाविद्यालय व रुग्णालयात नेण्यात आले. तेथे ईशान याला वैद्यकीय अधिकाऱ्यांनी मृत घोषित केले.
घटनेची माहिती मिळाल्यानंतर चारही मुलांचे नातेवाईक व परिसरातील नागरिक मेहरुण तलाव परिसर व रुग्णालयात पोचले होते. त्यामुळे दोन्ही ठिकाणी गर्दी झाली होती. तसेच ईशानच्या मृत्यूची वार्ता कानी पडताच नातेवाइकांनी मोठा आक्रोश केला. घटनेची माहिती मिळाल्यानंतर पोलिस निरीक्षक डॉ. विशाल जयस्वाल यांच्यासह त्यांचे सहकारी घटनास्थळी व रुग्णालयात पोचले.
ईशानचे वडील पेंटर
मृत ईशानचे वडील पेंटर असून, आई गृहिणी आहे. शेख दांपत्याला दोन मुली असून, ईशान हा एकुलता एक मुलगा होता. शेख कुटुंबावर दु:खाचा डोंगर कोसळला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
