Jalgaon Bribe Crime : लाचखोरीत पोलिस हवालदार अखेर निलंबित

जळगाव : बांधकाम साहित्याची वाहतूक करणाऱ्या ठेकेदाराचे डंपर अडवून ३० हजारांची लाच मागणी करत खासगी पंटरच्या माध्यमातून लाच स्वीकारताना लाचलुचपत विभागाने रंगेहात पकडलेले अमळनेर पोलिस ठाण्यातील कर्मचारी घनश्याम अशोक पवार यांचे निलंबनाचा आदेश पोलिस अधीक्षक एम.राजकुमार यांनी काढले. (Police constable final suspended for bribery Jalgaon Crime)

अमळनेरचे हवालदार घनश्याम पवार यांनी रविवार ७ जानेवारीला ठेकेदाराचे डंपर अडवत त्यांच्याकडे पोलिस निरीक्षक विजय शिंदे व स्वतःसाठी दरमहा हप्ता म्हणून ३० हजारांची लाच मागितली.

तक्रारदाराने याबाबत धुळे एसीबीकडे दूरध्वनीवरून तक्रार केल्यानंतर धुळे एसीबीने मंगळवार (ता. ९ ) लाच लूचपत प्रतिबंध विभागाने (एसीबी) सापळा लावत पवार यांनी खाजगी पंटर इम्रान खानकडे लाचेची रक्कम देण्याचे सांगितल्यानंतर सुरवातीला खासगी पंटर व नंतर पवार यांना एसीबीने अटक केली होती.

याचा अहवाल प्राप्त झाल्यानंतर पवार यांना निलंबित करण्याचे आदेश पोलिस अधीक्षकांनी काढले.