शिवसेनेने भाजपचा पून्हा 'करेक्ट' कार्यक्रम लावला; तीन नगरसेवकांचा सेनेत प्रवेश

जळगाव ः जळगाव महापालिकेत (Jalgaon Municipal Corporation) आज पून्हा शिवसेनेने भाजपला (BJP) जोरदार धक्का दिला आहे. भाजपचे तीन नगरसेवकांनी आज मुंबई गाठत मुख्यमंत्री उध्दव ठाकरे यांच्या उपस्थितीत शिवसेनेत (Shiv sena) प्रवेश केला. त्यामुळे जळगाव जिल्ह्यात भारतीय जनता पार्टीला शिवसेनेकडून वारंवार झटका दिला जात आहे. त्यात जळगाव महापालिकेवरील शिवसेनेचे आणखी संख्या बळ वाढल्याने ताकद वाढली आहे.

(jalgaon municipal corporation three bjp corporators joined shiv sena)

एप्रील महिन्यात जळगाव महापालिकेत मोठा राजकीय भुकंप होवून संत्तातरण झाले होते. भारतीय जनता पार्टीच तब्बल २७ नगरसेवकांनी शिवसेनेत प्रवेश केला होता. आणि महापौरपदी शिवसेनेच्या जयश्री महाजन तर भाजपमधील फुटलेले नगरसेवकांमधून कुलभूषण पाटील उपमहापौर झाले होते. त्यात तीन दिवसांपूर्वीच मुक्ताईनगरच्या सहा नगरसेवकांनी शिवसेनेत प्रवेश केला. यानंतर आज जळगाव महापालिकेतील तीन नगरसेवक यांनी मुख्यमंत्री उद्दव ठाकरे (Chief Minister Uddhav Thackeray) यांच्या वर्षा बंगल्यावर शिवेनेत प्रवेश करत शिवबंधन बांधले. यात नगरसेविका शोभा दिनकर बारी व शेख हसीना बी शेख शरीफ तर नगरसेवक सुरेश माणिक सोनवणे यांचा समावेश आहे.

पुन्हा राजकीय खळबळ

मुक्ताईनगर नगरपंचायतमधील सहा नगरसेवकांनी तीन-चार दिवसापूर्वीच मंत्री गुलाबराव पाटील, आमदार चंद्रकांत पाटील यांच्या प्रयत्नातून सहा नगरसेवकांनी शिवसेनेत प्रवेश केला होता. त्यात आज दुपार पासून जळगाव महापालिकेतील काही नगरसेवक शिवसेनेच्या वाटेवर असल्याची चर्चा होती. सायंकाळी तीन नगरसेवकांनी मुख्यमंत्री उद्धव ठाकरे यांच्या हस्ते प्रवेश केला.