Crime News: माणुसकीला काळीमा फासणारी घटना! बेदम मारहाण करत मनोरुग्णाची विष पाजून हत्या

Jalgaon Crime News : गल्लीतील जुन्या भांडणाच्या कारणावरून चेतन प्रकाश चौधरी (वय २३, रा. रामेश्वर कॉलनी) याला बेदम मारहाण करून विषारी पदार्थ पाजून त्याचा खून केला.

ही घटना रविवारी (ता. ११) दुपारी घडली. एमआयडीसी पोलिसांनी तपासाअंती चार संशयितांना अटक केली असून, त्यांच्याविरुद्ध खुनाचा गुन्हा दाखल केला आहे. (Psychiatric patient poisoned and murdered after brutal beating jalgaon crime news)

रामेश्वर कॉलनीत चेतन चौधरी याच्यावर मानसिक उपचार सुरू असून, त्याचे गल्लीतील काही तरुणांसोबत भांडण झाले होते. याच कारणावरून रविवारी चेतन याला गल्लीतील सचिन कैलास चव्हाण (वय २३), तुषार ऊर्फ सोन्या विजय पाटील (२४), कुंदन रवींद्र पाटील (३०), सनी ऊर्फ फौजी बाळकृष्ण जाधव (३६, सर्व रा. रामेश्वर कॉलनी) यांनी बेदम मारहाण केली.

मारहाणीनंतर त्यांनी चेतनला विषारी द्रावण पाजून त्याला गल्लीत आणून पुन्हा बेदम मारहाण केली. जखमी चेतनला जिल्हा वैद्यकीय रुग्णालयात दाखल केले.

हेही वाचा : Credit Card फसवणूक....काय घ्याल काळजी?

त्याच्यावर अतिदक्षता विभागात उपचार सुरू होते. उपचारादरम्यान चेतनचा मृत्यू झाला. याबाबत पूर्वी एमआयडीसी पोलिसांत आकस्मिक मृत्यूची नोंद झाली होती.

या प्रकरणाची एमआयडीसी पोलिसांनी सखोल चौकशी केल्यानंतर चेतनला बेदम मारहाण केल्याचे तपासात निष्पन्न झाले. त्यानंतर मंगळवारी रात्री चौघा तरुणांविरुद्ध खुनाचा दाखल करण्यात आला. त्यांना एमआयडीसी पोलिसांनी अटक केली आहे.