भुसावळ : शहरातील झेडटीसी परिसरात असलेल्या बँक ऑफ बडोदाच्या(Bank of Baroda) शाखेत दरोड्याचा(bank robbery) अयशस्वी प्रयत्न झाला. ही घटना सोमवारी (ता. ७) सकाळी अकराच्या सुमारास उघडकीस आली आहे. विशेष म्हणजे, ही बँक मिलिट्री बटालियनच्या परिसरात आहे. याठिकाणी कडेकोट बंदोबस्त असतानाही बँकेची भिंत फोडण्याचा प्रकार उघडकीस आल्याने शहरात एकच खळबळ उडाली आहे.
भुसावळ शहरातील (bhusaval city)झेडटीसी परिसरात मिलिटरी बटालियन कॅम्प आहे. त्या ठिकाणी बँक ऑफ बडोदा शाखा असून, मिलिटरी जवानांसह परिसरातील नागरिकांना येथे सुविधा उपलब्ध करून देण्यात आली आहे. मात्र, अज्ञात चोरट्याने बँकेतील स्ट्रॉंग रूममधील समोरील भिंतीला मागील बाजूला असलेल्या शौचालयमध्ये येऊन भिंतीला भगदाड पडले आहे. या मार्गाने बँकेत प्रवेश करून स्ट्राँगरूममधील स्टॉपसेफला असलेले चॅनल गेटचे कुलूप अर्धवट कापून चोरी करण्याचा प्रयत्न केला आहे. सोमवारी सकाळी अकराच्या सुमारास कर्मचारी बँकेत आले असता ही घटना उघडकीस आली आहे.
अपर पोलिस अधीक्षकांकडून पाहणी
बँकेच्या अधिकाऱ्यांनी यासंदर्भात भुसावळ शहर पोलिस(bhusaval police station) ठाण्यात माहिती दिली असता येथील पथकाने जाऊन पाहणी केली. तसेच अप्पर पोलिस अधीक्षक चंद्रकांत गवळी(Upper Superintendent of police ), उपविभागीय पोलिस अधिकारी सोमनाथ वाकचौरे, पोलिस निरीक्षक प्रताप इंगळे यांनी बँकेत जाऊन तेथील पाहणी केली. याबाबत भूषण येवलकर यांच्या फिर्यादीवरून चोरट्याविरुद्ध(robbery crime) गुन्हा दाखल करण्यात आला आहे. पोलिस उपनिरीक्षक अंबादास पाथरवट तपास करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
