जळगाव : ‘मोठी स्वप्न पाहा.. ती पूर्ण करण्याच्या दिशेने कठोर परिश्रम करा.. यश हमखास मिळेल.. हा अनुभव मी घेतलांय, तूदेखील तशी वाटचाल कर..’ हा संदेश आहे क्रिकेटप्रेमींचं दैवत असलेल्या सचिन तेंडूलकरचा. जळगावच्या लहानग्या अनय डोहोळेला त्याने पत्र पाठवून हा संदेश दिलाय.
पहिलीत शिकणाऱ्या सात वर्षांच्या चिमुरड्या जळगावच्या अनय डोहोळे याने सचिनला स्व-हस्ताक्षरात पत्र लिहून त्यांचे छायाचित्र व स्वाक्षरी पाठवावी अशी इच्छा व्यक्त केली होती. आणि खरच अनयच्या या बालहट्टाला प्रतिसाद देत सचिन तेंडुलकरने स्वतःची स्वाक्षरी असलेले विश्वचषक हातात घेतलेले व शतक झळकविलेल्या नंतर अभिवादन करतानाचे छायाचित्र त्यास पाठविले. सोबत स्वतःच्या लेटर पॅडवर अनुभव शेअर करीत ‘मोठे स्वप्न पाहा त्यासाठी कठोर परिश्रम करा, यश हमखास मिळेल..’ असा संदेशही दिला आहे. अनय अनघा व अजय डोहोळे यांचा मुलगा असून वाघनगर येथील विवेकानंद प्रतिष्ठान इंग्लिश मीडियम शाळेचा विद्यार्थी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
