Jalgaon Fraud Crime : बहिणीच्या नावे मुखत्यारपत्र करत औद्योगिक भूखंड विक्री; भावासह वहिनीविरुद्ध गुन्हा दाखल

Jalgaon Fraud Crime : शहरातील रामबाग कॉलनीतील रहिवासी गृहिणीसह तिच्या नणंदेच्या नावे औद्योगिक वसाहत परिसरात सामाईक भूखंड होता. नणंद-भावजयीच्या नावावरील भूखंडाचे खोटे मुखत्यारपत्र (पॉवर ऑफ ॲटर्नी) करून परस्पर दोघांनी विक्री केली.

जिल्‍हापेठ पोलिस ठाण्यात याप्रकरणी दोन संशयितांच्या विरुद्ध फसवणुकीचा गुन्हा दाखल करण्यात आला आहे.(Sale of industrial plot by power of attorney in favor of sister jalgaon fraud crime news)

एस. एस. मणियार विधी महाविद्यालयाजवळ मंजुदेवी लिच्छीराम छाजेड (वय ५७) कुटुंबीयांसह वास्तव्याला आहेत.

मंजुदेवी आणि त्यांची वहिनी मंजुदेवी अशोककुमार बुच्‍चा यांच्या नावाने औद्योगिक वसाहत परिसरातील एम-सेक्टरमधील भूखंड क्रमांक २११ ही दीड हजार चौरस मीटर जागा आहे.

दरम्यान, वहिनी आणि भाऊ अशोककुमार मोतीलाल बुच्चा (दोघे रा. गंधर्व कॉलनी, जळगाव) यांनी संगनमताने ‘पॉवर ऑफ अटर्नी'चे बनावट दस्तावेज तयार करून भूखंड सुहास विश्‍वनाथ मुळे व अमोल विश्‍वनाथ मुळे यांना परस्पर विक्री केल्याचे मंजुदेवी छाजेड यांनी तक्रारीत म्हटले आहे.

त्यांनी बुधवारी (ता.६) रात्री नऊला जिल्हापेठ पोलिस ठाण्यात दस्तऐवज सादर करून भाऊ आणि वहिनीविरुद्ध तक्रार दिली. पोलिस उपनिरीक्षक गणेश देशमुख तपास करत आहेत.()