शहादा : मलगाव (ता. शहादा) येथे कपाशीच्या शेतात सुमारे ११ लाख ९० हजार रुपयांची, १७० किलो वजनाची २५० गांजाची झाडे जप्त करण्यात आली. या आठवड्याभरात ही दुसरी कारवाई असून, तालुक्यात मोठ्या प्रमाणात पिकांमध्ये गांजाची लागवड केली जात असल्याचे उघडकीस येत आहे. या घटनेतील संशयित फरारी झाला आहे.
तालुक्यातील मलगाव शिवारात अजय सुभाष पटले यांच्या शेतात छापा टाकला असता, तेथे कपाशीच्या शेतात गांजाच्या झाडांची लागवड केल्याचे मिळून आले. पोलिसांचा मोठा बंदोबस्त तैनात होता. गांजाची शेती करणे बेकायदा असतानाही अजय पटले यांनी त्यांच्या शेतात गांजाची लागवड केली. पोलिसांनी १७० किलोची २५० लहान-मोठी गांजाची झाडे जप्त केली. त्यांची किंमत सुमारे ११ लाख ९० हजार रुपये आहे. शेतमालक अजय सुभाष पटले यांच्याविरोधात एनडीपीएस कायद्याखाली शहादा पोलिसांत गुन्हा दाखल झाला आहे. ही कारवाई पोलिस अधीक्षक पी. आर. पाटील, अपर अधीक्षक विजय पवार यांच्या मार्गदर्शनाखाली निरीक्षक राहुल पवार, उपनिरीक्षक सुरेश सोनवणे, हवालदार मेहरसिंग वळवी, दिनकर चव्हाण यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.