जळगाव : मुक्ताईनगरातील रहिवासी तरुणाला रिक्षातील तिघांनी दमदाटी करून लुटल्याची घटना पोलिस अधीक्षक कार्यालयाजवळ घडली. जिल्‍हापेठ पोलिसांत याप्रकरणी गुन्ह्याची नोंद झाली आहे.
मुक्ताईनगरातील रहिवासी योगेश घाटे (वय २५) हा तरुण सॉफ्टवेअर अभियंता असून शुक्रवारी (ता. १७) मुक्ताईनगर ते जळगाव बसने प्रवास करून साडेचार वाजता नवीन बसस्थानकात उतरला. येथून मित्राला भेटायला जायचे असल्याने तो बसस्टॅण्ड बाहेरच ऑटो रिक्षात बसला. मात्र, त्यात पूर्वीपासूनच तीन तरुण बसलेले असल्याने त्यापैकी एकाने धक्काबुक्की करत रिक्षात जागा नाही. असे म्हणून धक्का देत योगेश घाटे याला पोलिस अधीक्षक कार्यालयासमोर उतरवून दिले. तत्पूर्वी योगेशच्या खिशातील पाकीट मोबाईल काढून घेत रिक्षाने सुसाट पळून गेले. चोरट्यांनी पाकिटातील दीड हजार रोख, महाराष्ट्र व स्टेट बँकेचे एटीएम कार्ड असा ऐवज बळजबरीने काढून घेत धमकावले. योगेश घाटे याने दिलेल्या तक्रारीवरून जिल्‍हापेठ पोलिस ठाण्यात तिघा भामट्यांविरुद्ध गुन्ह्याची नोंद करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
