Jalgaon Fire Accident : कचरा पेटवल्यानंतर आगीची ठिणगी गुदामातील कडबाकुट्टीवर उडाल्याने कुट्टीच्या २०० गोण्यांसह मसाले, चिक्की व क्वॉईल असे साहित्य जळून खाक झाला. (spice factory along with kadaba godown got burnt down jalgaon news)
ही घटना सोमवारी (ता. ११) मध्यरात्रीच्या सुमारास घडली. आगीत साधारणतः २० ते २५ लाखांचे नुकसान झाले असून अग्निशमन दलाच्या १२ ते १३ बंबांद्वारे आग नियंत्रणात आणली. औद्योगिक वसाहत परिसरातील सेक्टर ए-९७ मधील सोमनाथ इंटरप्रायजेसजवळील गुदामामध्ये कडबाकुट्टी साठवून ठेवण्यात आली आहे.
गुदामाच्या जवळपास कचरा पेटवून शेकोटी केली. त्यातून ठिणगी उडून गुदामातील कडबॅाकुट्टीवर उडाली. त्यामुळे कुट्टीने पेट घेतला.
काही क्षणातच आगीने रौद्ररूप धारण केले. त्यात गुदामासह शेजारील राधेकृष्ण इंटरप्रायजेस या मसाला, चिक्की गुदामाला लागली. त्यात या गुदामातील १५ ते २० लाखांचे साहित्य जळून खाक झाले.
या गुदामालगतच्या एमडी हिट किंग या औद्योगिक हीटर तयार करणाऱ्या कंपनीमधील क्वॉईल, लॅपटॉप, कपाट व इतर साहित्य जळून एकूण पाच ते सहा लाख रुपयांचे नुकसान झाले. एमआयडीसी पोलिसांत आकस्मिक आगीची नोंद करण्यात आली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
