Jalgaon Crime News : शहरात टोळीने गुन्हे करणाऱ्या तिन्ही सराईत यांना पोलिस अधीक्षक यांनी दोन वर्षांसाठी जिल्ह्यातून हद्दपार केले आहे. हद्दपार करण्यात आलेल्या या अट्टल गुन्हेगारांवर विविध पोलिस ठाण्यात आठ ते दहा गंभीर स्वरूपाचे गुन्हे दाखल आहेत. (Superintendent of Police deported criminal for gang crimes jalgaon news)
तडीपार करण्यात आलेल्यांमध्ये स्वप्नील ऊर्फ गोलू धर्मराज ठाकुर (वय १९ रा. डी.एन.सी. कॉलेजजवळ, शंकर अप्पानगर, जळगाव), निशांत प्रताप चौधरी (वय १९, रा. शंकर अप्पानगर) कुणाल ऊर्फ दुंडया किरण कोळी (वय १९, रा साईसिटी, कुसूंबा ता. जळगाव) या तिघांचा समावेश आहे.
या तिघांनी सलग पाच गंभीर गुन्हे एकत्र केले असून इतरही गुन्हे त्यांच्यावर दाखल आहे.
पोलिस ठाण्यातील गुन्ह्यांचा अभ्यास करत निरीक्षक जयपाल हिरे, सहाय्यक फौजदार अतुल वंजारी,सचिन पाटील, योगेश बारी, सुधीर साळवे, साईनाथ मुंडे, निलोफर सय्यद, वरिष्ठ निरीक्षक किशन नजन पाटील, सहाय्यक फौजदार युनूस शेख, सुनील दमोदरे यांनी तिघांच्या हद्दपारीचे प्रस्ताव जिल्‍हा पोलिस अधीक्षक एम. राजकुमार यांना सादर केला होता.
गुरुवारी (ता.१९) पोलिस अधीक्षकांनी तिघा सराईत यांना दोन वर्षांसाठी हद्दपार करण्याचे आदेश दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
