Jalgaon Crime News : औद्योगिक वसाहत परिसरातील सुप्रीम कंपनीच्या मुख्य प्रवेशद्वारावर रिक्षाचालक गोपाल शिंदे मालवाहतूक रिक्षा घेऊन उभे असताना दुचाकीवरून आलेल्या दोघांनी त्यांना बेदम मारहाण करून खिशातून पाकीट हिसकावून पळ काढला.
एमआयडीसी पोलिसांत जबरी लुटीचा गुन्हा दाखल करण्यात आला होता.(Suspects of street looting at Supreme got arrested jalgaon crime news)
मुसळी (ता. धरणगाव) येथील मूळ रहिवासी गोपाल एकनाथ शिंदे हे त्यांची मालवाहू रिक्षा घेऊन औद्योगिक वसाहत जळगाव येथे आले होते. सुप्रीम कंपनीच्या मेन गेटवर उभे असताना काळ्या रंगाच्या स्प्लेंडर मोटारसायकलवरून आलेल्या दोघांनी शिंदे यांना काहीएक कारण नसताना शिवीगाळ व दमदाटी करून त्यांच्या खिशातील साडेतीन हजार रुपये काढून घेत पळ काढला. शिंदे यांनी एमआयडीसी पोलिस ठाण्यात गुन्हा दाखल केला होता.
निरीक्षक जयपाल हिरे यांच्या गुन्हेशोध पथकाला मिळालेल्या गुप्त माहिती वरून उपनिरीक्षक नीलेश गोसावी, दीपक जगदाळे, सहाय्यक फौजदार अतुल वंजारी, गणेश शिरसाळे, योगेश बारी, सचिन पाटील, किशोर पाटील, ललित नारखेडे, साईनाथ मुंढे यांनी संशयितांचा ठाव घेतल्यावर राकेश भीमराव सपकाळे (रा. रामेश्वर कॉलनी) व त्याचा साथीदार गोपाळ रवींद्र पाटील (रा. आदित्य चौक, रामेश्वर कॉलनी) अशा दोघांना ताब्यात घेतले.
त्यांनी गुन्ह्याची कुबली दिली. त्यांना न्या. सुवर्णा कुलकर्णी यांच्या न्यायालयात हजर केले असता, त्यांना पाच दिवसांची पोलिस कोठडी मिळाली असून, संशयितांकडून इतरही गुन्हे उघडकीस येण्याची शक्यता वर्तविली जात आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
