Jalgaon News : नित्यानंदनगरातील तरुणाचा संशयास्पद मृत्यू

Jalgaon News : संभाजीनगर-नित्यानंदनगर परिसरातील तरुणाचा झोपेतच मृत्यू झाल्याची घटना घडली. बुधवारी (ता. १३) घरातून बाहेर पडला.

रात्री नऊला परतल्यानंतर झोपला. मात्र, सकाळी तो उठलाच नाही. (Suspicious death of youth in Nityanand Nagar jalgaon news)

रुग्णालयात नेण्यात आल्यावर डॉक्टरांनी त्याला तपासून मृत घोषित केले. मृताच्या सर्वांगावर मारहाणीच्या खुणा असून, त्याचा घातपात झाल्याचा आरोप कुटुंबीयांनी केला.

संभाजीनगर नित्यानंदनगर येथे पवन सुधाकर दुसाने (वय ३२) आई-वडील,भाऊ, पत्नी व दोन मुलींसह राहतो. मिळेल ते काम करून तो कुटुंबास हातभार लावत होता. घटनेच्या दिवशी बुधवारी (ता. १३) सायंकाळ तो घराबाहेर पडला.

रात्री घरी आल्यानंतर त्याच्या खोलीत झोपला. सकाळी मात्र तो उठलाच नाही. कुटुंबीयांनी उठवण्याचा प्रयत्न केला. तो उठत नाही म्हणून रुग्णालयात नेले असता मुख्य वैद्यकीय अधिकारी डॉ. नम्रता अच्छा यांनी पवन दुसाने यास मृत घोषित केले.

पवन रात्री घरी आल्यावर झोपला. झोपेतच त्याचा मृत्यू झाला. हा मृत्यू नेमका कशामुळे झाला, याबाबत कुटुंबाने शंका घेऊन अंग तपासले असता अंगावर मारहाणीच्या खुणा आढळल्याने कुटुंबने घातपाताच संशय व्यक्त केला आहे. रामानंदनगर पोलिसांत आकस्मिक मृत्यूची नोंद झाली.