पारोळा : येथील अमळनेर रस्त्यावरील अशोक नगर भागात बंद घरात अज्ञात चोरट्यांनी डल्ला मारत सोने लंपास केले. भोकरबारी (ता. पारोळा) येथे देखील चोरट्यांनी हातसफाई केल्याने चोरट्यांचा पुन्हा धुमाकूळ सुरु झाल्याने पोलिसांनी त्यांचा बंदोबस्त करावा, अशी मागणी होत आहे.
अशोक नगरातील रहिवासी समाधान बापू भवर (मराठे) हे काही कामानिमित्त बाहेरगावी गेले होते. ९ ते १० जानेवारीच्या दरम्यान चोरट्याने त्यांच्या बंद घराचा फायदा घेत, घराच्या दाराचा कडी कोयंडा तोडून लोखंडी कपाटातील ४५ हजार रुपये किमतीचे साडेचार ग्रॅम सोन्याचा हार, १५ हजारांचे सोन्याचे टोंगल असा सुमारे ६० हजारांचा ऐवज चोरुन नेला. (Theft of Sixty thousand rupees from a closed house Jalgaon News)
या भागात विजेचे दिवे सुरु असतानाही ही चोरी झाल्याने रहिवाशांमध्ये भीती पसरली आहे. दरम्यान, घटनास्थळी पोलिस निरीक्षक रामदास वाकोडे यांनी भेट देऊन पाहणी केली. कॉलनीतील रहिवाशांनी लोकसहभागातून ‘सीसीटीव्ही कॅमेरे’ बसवावेत, असे आवाहन त्यांनी केले.
दरम्यान, चोरीच्या या घटनेप्रकरणी समाधान भवर यांच्या फिर्यादीवरून अज्ञात चोरट्यांविरुद्ध गुन्हा दाखल करण्यात आला आहे. भोकरबारी (ता. पारोळा) येथे देखील चोरट्यांनी एका घरात चोरी केल्याची घटना घडली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
