Jalgaon Crime News : शहरातील मानराज पार्कजवळील द्रौपदीनगरात परिविक्षाधीन डीवायएसपी यांच्या घराबाहेरुन पोलिस कर्मचाऱ्याची दुचाकी चोरट्यांनी चोरुन नेली. (Thieves stole policeman bike from outside DySP house jalgaon crime news)
शहरभर आपल्या कारवाईने अवैध व्यावसायिकांमध्ये दहशत निर्माण करणाऱ्या या परिवीक्षाधीन डीवायएसपींच्या दारातूनच चोरट्यांनी वाहन लंपास केल्याने चर्चेला उधाण आले आहे.
जळगाव जिल्‍हा पोलिस दलास सध्या दोन परिविक्षाधीन डीवायएसपी लाभले आहेत. अप्पासाहेब पवार आणि श्री. कुळकर्णी या दोघा प्रशिक्षणार्थी डिवायएसपींनी जळगाव उपविभागात अवैध धंद्यांविरूद्ध कारवाईचा सपाटाच सुरु केला आहे.
गुटखा, पानमसला, वाळूसह अवैध व्यवसायांवर सलग कारवाई सुरु असल्याने अवैध व्यावसायिकांमध्ये भितीचे वातावरण आणि जनसामान्यांमध्ये दोघांची बऱ्यापैकी चर्चा आहे.
हेही वाचा : Credit Card फसवणूक....काय घ्याल काळजी?
परिविक्षाधीन कालावधीत शासकिय निवासस्थान उपलब्ध नसल्याने श्री. पवार हे मानराजपार्क परिसरातील द्रौपदीनगर येथे भाडेतत्त्वावरील घरात वास्तव्याला आहेत.
त्यांच्याकडे कार्यरत पोलिस कर्मचारी हिरालाल गुमळकर (रा. पोलिस वसाहत) हे शनिवारी (ता. २७) सायंकाळी सातला खासगी दुचाकी (एमएच १९, बीएक्स ५५९२)द्वारे ड्युटीवर आले होते. वाहन बंगल्याबाहेरच उभे करुन ते रात्रभर ड्युटीवर होते.
पहाटे सहाला घरी जाण्यासाठी वाहन शोधत असताना दुचाकी न आढळल्याने त्यांनी चौकशी केली. तरीही वाहन सापडत नसल्याने अज्ञात चोरट्याने चोरुन नेल्याची खात्री झाल्यावर त्यांनी जिल्‍हापेठ पोलिस ठाणे गाठत या प्रकरणी तक्रार दिली. त्यावरून गुन्ह्याची नोंद झाली असून, पोलीस नाईक जुबेर तडवी तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
