Jalgaon NMU News : ‘उमवि’चा 3 जिल्ह्यांत ज्येष्ठ नागरिक भेट उपक्रम; समुपदेशकासाठी प्रस्तावाचे आवाहन

Jalgaon NMU News : जळगाव, धुळे व नंदुरबार या तीन जिल्ह्यांतील ज्येष्ठ नागरिक संघांना आपल्या संघातील सदस्य अथवा परिसरातील ज्येष्ठ नागरिकासांठी समुपदेशकांच्या नि:शुल्क प्रत्यक्ष भेटी आयोजित करावयाच्या आहेत.

त्यांनी कवयित्री बहिणाबाई चौधरी उत्तर महाराष्ट्र विद्यापीठाच्या आजीवन अध्ययन व विस्तार विभागाकडे प्रस्ताव पाठवावा, असे आवाहन करण्यात आले आहे. (UMV senior citizen visit activity in 3 districts jalgaon news)

आजीवन अध्ययन व विस्तार विभागातर्फे विद्यापीठ परिक्षेत्रातील ज्येष्ठ नागरिकांसाठी विविध उपक्रम राबविले जात आहेत. या कार्यक्रमांमधून ज्येष्ठ नागरिकांमध्ये अनेक समस्या असल्याचे निदर्शनास आले आहे.

त्यात एकाकीपणा, नैराश्य, दु:ख, स्मृतिभ्रंश, फसवणूक, आजारपण, नकारात्मकता, अशा विविध बाबींचा समावेश आहे. त्यामुळे या विभागाने ‘समुपदेशक आपल्या दारी’ हा उपक्रम राबविण्याचा निर्णय घेतला आहे.

हेही वाचा : Credit Card फसवणूक....काय घ्याल काळजी?

या उपक्रमाद्वारे समुपदेशक प्रत्यक्ष भेटीतून ज्येष्ठ नागरिकांचे समुपदेशन करणार आहे. हे समुपदेशन नि:शुल्क राहणार आहे.

जळगाव, धुळे व नंदुरबार या तीन जिल्ह्यांतील ज्या ज्येष्ठ नागरिक संघांना समुपदेशकांच्या भेटीचे आयोजन करावयाचे आहे, त्यांनी पत्राद्वारे किंवा ई-मेलद्वारे विद्यापीठाच्या संकेतस्थळावर उपलब्ध असलेला अर्ज भरून पाठवावयाचा आहे. योग्य त्या प्रस्तावांना मान्यता दिली जाईल, अशी माहिती या विभागाचे संचालक प्रा. आशुतोष पाटील यांनी दिली.