गिरणा धरणातून पाण्याचा विसर्ग वाढला

भडगाव (जि. जळगाव) : गिरणा धरणात आज सायंकाळी सहाला ९२ टक्के पाणीसाठा झाला. धरणाच्या पाणलोट क्षेत्रात पावसाचा जोर वाढल्याने साठा वाढत असून काल दोन दरवाज्यातून अडीच हजार क्युसेक वेगाने पाणी सोडण्यात आले होते. मात्र आज पुन्हा चार दरवाजे एक फुटाने उघडण्यात आले. सायंकाळी सहाला ७ हजार १२८ क्युसेकने पाण्याचा विसर्ग सुरू आहे. (Latest Marathi News)

धरणाची सुरक्षितता पाहून दुपारी बाराला दोन गेटमधून २ हजार ४७६ क्युसेक वेगाने पाणी सोडण्यात आले. मात्र आज पुन्हा चार गेट उघडण्यात आले. त्यातून जवळपास ७ हजार १२८ क्युसेकने पाण्याचा विसर्ग करण्यात येत आहे. त्यामुळे नदीकाठाच्या ग्रामस्थांनी सतर्कता बाळगावी असे आवाहन गिरणा पाटबंधारे विभागाकडून करण्यात आले आहे.