जळगाव : दिवाळीचे पर्व संपताच थंडीचा कडाका वाढू लागला आहे. दोन दिवसांपासून शहरासह जिल्ह्याचे तापमान १६ ते १८ अंशापर्यंत खाली आले आहे. याचा परिणाम वातावरणावर होऊन सर्दी, खोकल्यांच्या रुग्णसंख्येत वाढ झाली आहे. जिल्हा रुग्णालय व शासकीय वैद्यकीय महाविद्यालयातील बाह्यरुग्ण विभागात तीन दिवसांत २०० पेक्षा अधिक रुग्ण सर्दी, खोकल्याचे होते. तर १७० बालकेही सर्दी, थंडी, वायलर इन्फेकशनने बेजार झाल्याचे दिसून आले.
यंदा जिल्ह्यात सरासरीच्या १०९ टक्के पाऊस झाला आहे. परतीचा पावसाचा जोर अधिक होता. यामुळे रब्बीचा हंगाम चांगला येण्याची चिन्हे आहेत. दुसरीकडे पावसाळा जाऊन हिवाळी सुरू होताच ऋतू बदलाचा परिणाम जनजीवनावर होताना दिसत आहे. पहाटे पाच ते सकाळी सातपर्यंत थंडीचा कडाका वाढला आहे. यामुळे नागरिक स्वेटर, कानटोपी, हातमोजे, जॅकेट घालून सकाळी फिरायला जाताना दिसत आहेत. सध्या शाळा बंद आहेत. मात्र शाळकरी मुले ट्यूशनला जाताना स्वेटर, कानटोपी अवश्‍य घालत आहेत.(Winter Season Cold Cough patients increased Examination record of 200 patients in 3 days Jalgaon News)
ऋतू बदलताच वातावरणातील गारवा वाढून सर्दी, डोकेदुखी, ताप, खोकल्याचे रुग्ण वाढू लागले आहेत. खासगी डाक्टरांकडे सकाळी दहापासून रात्री उशिरापर्यंत तपासणीसाठी रांगा लागल्याचे चित्र आहे. लहान मुले, वृद्धांना थंडीचा अधिक त्रास होतो. यामुळे त्यांना गरम कपडे घालायला देणे, अन्न गरम देणे, सतत गरम पाणी पिण्यास देण्याची गरज असल्याचा सल्ला वैद्यकीय तज्ज्ञांनी दिला आहे.
"थंडीचा सीझन सुरू झाल्याने बालके, वृद्धांची अधिक काळजी घेतली पाहिजे. त्यांना गरम अन्न खाण्यास देणे गरजेचे आहे. फ्रीजमधील फळे, अन्न, आईस्क्रीम खाणे टाळले पाहिजे. गरम कपड्यांचा वापर त्यांना करावयास लावणे गरजेचे आहे; अन्यथा सर्दी, खोकला, ताप येऊ शकतो. दोन दिवस ताप सतत आल्यास वैद्यकीय तपासणी करणे गरजेचे आहे.
डॉ. गिरीश राणे, बालरोग विभागप्रमुख, जीएमसी
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
