Jalgaon Winter Update : जळगाव शहरासह जिल्ह्यात दोन ते तीन दिवसांपासून सकाळी आणि रात्री वातावरणात गारवा जाणवू लागला आहे. पहाटे सर्वत्र गारवा पसरून धुके पडत आहे. गुलाबी थंडीची चाहुल लागल्याने आल्हाददायक वातावरणाचा नागरिक मनसोक्त आनंद घेत आहेत.
विशेष करून सकाळी धावणाऱ्यांची संख्या वाढली आहे.( winter start in district jalgaon news)
पावसाळा संपला असला, तरी ऑक्टोबर हीटमुळे हैराण झालेले नागरिक गुलाबी थंडीमुळे सुखावले आहेत. तापमानाचा पारा घसरल्याने सकाळ-संध्याकाळी वातावरणात गारवा जाणवू लागला आहे. हिवाळ्यात पहाटे फिरायला जाणे, व्यायाम करणे शरीरासाठी आरोग्यदायी असते.
त्यामुळे अनेक नागरिक, युवक, महिला सकाळी रस्त्याने ‘मार्निंग वॉक' करताना दिसतात. काहींनी व्यायाम शाळेत जावून व्यायाम करणे सुरू केले आहे. जिल्ह्यातून राष्ट्रीय महामार्ग सहा जातो. सकाळी पडणाऱ्या धुक्यामुळे महामार्गावरील वाहतूक संथ गतीने सुरू असल्याचे चित्र आहे.
भाजीपाल्यासाठी पूरक वातावरण
थंडीचे हवामान भाजीपाला, कडधान्य शेतीला पूरक असून मुबलक उत्पादनाची शक्यता आहे. हळूहळू थंडीचा जोर वाढण्याची शक्यता आहे. त्यामुळे नागरिकांनी ठेवणीतील लोकरीचे कपडे, जाकेट, स्वेटर, शॉल, मफलर-टोपी बाहेर काढले आहेत.
''सकाळी बोचरी थंडी पडत आहे. यामुळे शहरातील वातावरण आल्हाददायक झाले आहे. पहाटे आवर्जून फिरण्यासाठी बाहेर पडत आहे.''- अरूण धांडे (ज्येष्ठ नागरिक, जळगाव)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
