पाचोरा येथे रेल्वेच्या धडकेने तरुण ठार

पाचोरा (जि. जळगाव) : येथील रेल्वेस्थानकाजवळ रेल्वेचे रूळ ओलांडताना धावत्या रेल्वेचा धक्का (Train Collision) लागल्याने तरुण जागीच ठार (Death) झाला. (Young man killed in train crash at Pachora Jalgaon news)

जयवंत चौधरी (वय २१) असे मृताचे नाव आहे. ते उत्राण (ता. एरंडोल) येथील रहिवासी आहेत. रेल्वे खांब क्रमांक ३७०/३० जवळून तो रेल्वेरूळ ओलांडत असताना, धावत्या रेल्वेचा धक्का लागल्याने त्याचा जागीच मृत्यू झाला. जयवंत चौधरी याच्या मागे वृद्ध आई व बहीण असून, तो घरातील एकटा कमावणारा असल्याने या घटनेमुळे हळहळ व्यक्त होत आहे. याबाबत लोहमार्ग पोलिसांनी आकस्मिक मृत्यूची नोंद केली आहे. पोलिस कर्मचारी सुभाष सोनवणे तपास करीत आहेत.