जळगाव : शहरातील शिवाजीनगर स्मशानभूमीच्या गेटसमोर तीन अनोळखी व्यक्तींनी एकाची दुचाकी अडवून चाकूचा धाक दाखवत रोकड आणि मोबाईल असा एकूण २२ हजार २६० रुपये किमतीचा मुद्देमाल चोरून नेला आहे. याबाबत जळगाव शहर पोलिस ठाण्यात गुन्हा दाखल झाला आहे. (Latest marathi news)
शहरातील महावीरनगर येथे योगेश परमानंद सोनी कुटुंबीयांसह वास्तव्याला आहे. ते सोनारी कारागीर आहेत. शुक्रवारी (ता. ८) रोजी रात्री ८ वाजेच्या सुमारास ते त्यांची दुचाकी घेऊन शिवाजीनगर परिसरातील स्मशानभूमीच्या गेट समोरून जात असताना एका तरुणाने त्यांची दुचाकी अडवली. त्यानंतर त्याला चाकूचा धाक दाखवून दुसरा आरोपी आल्यानंतर त्याने मिरचीची पावडर योगेश सोनीच्या डोळ्यात टाकली आणि झटापट झाली. यामध्ये योगेश सोनीच्या हातातील बॅग, मोबाईल आणि रोकड असा एकूण २२ हजार २६० रुपये किमतीचा मुद्देमाल चोरून नेला. याप्रकरणी योगेश परमानंद सोनी यांनी जळगाव शहर पोलिस ठाण्यात धाव घेऊन तक्रार दिली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
