जळगाव - खेडी कढोली(ता.एरंडोल) येथील ३५ वर्षीय तरूणाने राहत्या घरी विष प्राशन करून आत्महत्या केल्याची घटना गुरूवारी ४ मे रोजी सकाळी ७ वाजेच्या सुमारास घडली.
अंत्यवस्थ तरुणाला जळगावला हलवण्यात आले मात्र, त्याचे प्राण वाचु शकले नाहीत. आत्महत्या करण्याचे कारण अद्याप समजू शकले नाही. ज्ञानेश्वर रमेश कोळी (वय-३५) रा. खेडी कढोली, ता.एरंडोल असे मृत तरूणाचे नाव आहे
पोलिसांनी दिलेल्या माहिती नुसार, ज्ञानेश्वर कोळी हा आपल्या पत्नी व दोन मुलांसह एरंडोल तालुक्यातील खेडी कढोली येथे वास्तव्याला होता.
शेतमजूरीचे काम करून आपला कुटुंबाचा उदरनिर्वाहर करीत होता. ज्ञानेश्वर कोळी यांच्या साल्याच्या मुलीचे लग्न असल्याने पत्नी अनिता आणि दोन्ही मुलांसह अमळनेर येथे लग्नासाठी बुधवार(ता. ३) रोजी सकाळी ९ वाजता गेले होते.
दुपारी ज्ञानेश्वर कोळी हा अमळनेर येथून खेडी कढोली येथे आला. त्यावेळी त्यांची पत्नी व दोन्ही मुले ही अमळनेरला थांबलेली होती. रात्री ९ वाजता घरी आल्याचे ग्रामस्थांनी त्याला पाहिले होते. मात्र मध्यरात्री ज्ञानेश्वर कोळी याने विषारी औषध सेवन करून आत्महत्या केली.
हा प्रकार आज सकाळी ७ वाजता लक्षात आला. शेजारी आणि ग्रामस्थांनी तातडीने जळगाव जिल्हा शासकीय रूग्णालयात दाखल केले असता वैद्यकीय अधिकारी यांनी मृत घोषीत केले.
आत्महत्या करण्याचे कारण अद्याप समोर आलेले नाही. यावेळी जिल्हा शासकीय रूग्णालयात नातेवाईकांनी एकच गर्दी केली होती. शनीपेठ पोलीस ठाण्यात अकस्मात मृत्यूची नोंद करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
