जळगाव : तलावात पोहण्यासाठी गेलेल्या नितीन दीपक राठोड (वय २२, रा. कुसुंबा) याचा बुडून मृत्यू झाल्याची घटना शनिवारी (ता. ८) घडली. याप्रकरणी एमआयडीसी पोलिसांत अकस्मात मृत्यूची नोंद झाली.
कुसुंबा (ता. जळगाव) येथील नितीन राठोड येथे वास्तव्यास असून, तो मजुरी करून कुटुंबाला हातभार लावत होता. शनिवारी सकाळी नितीन लहान मुलाला घेऊन गावाजवळील तलावात पोहण्यासाठी गेला.
पाण्यात उतरल्यानंतर त्याला पाण्याच्या खोलीचा अंदाज न आल्याने तो बुडू लागला. प्रत्यक्षदर्शी तरुणाने आरडाओरड केल्यावर काही तरुणांनी मदतीसाठी धाव घेतली. मात्र, तोपर्यंत नितीनचा पाण्यात बुडून मृत्यू झाला होता.(Youth drowned in lake Jalgaon News)
घटनेची माहिती मिळताच एमआयडीसी पोलिस ठाण्याचे कर्मचारी गणेश शिरसाळे, नारसिंग पाडवी व योगेश बारी घटनास्थळी पोचले. पोलिसांनी गावातील पट्टीच्या पोहणाऱ्यांना पाचारण करुरून त्यांच्या मदतीने नितीनचा मृतदेह बाहेर काढला.
त्यानंतर मृतदेह विच्छेदनासाठी शासकीय वैद्यकीय महाविद्यालयात दाखल केला. या वेळी नातेवाइकांनी प्रचंड गर्दी केली होती. एमआयडीसी पोलिसांत अकस्मात मृत्यूची नोंद झाली. त्याच्यामागे आई, वडील व लहान भाऊ असा परिवार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
