BMC Job Recruitment 2024 conditions changed by Administration:
गेल्या महिन्यात मुंबई महानगर पालिकेतील कार्यकारी सहायक (लिपिक) पदासाठी जाहिरात आली होती. या जाहिरातीमध्ये अर्ज करणारे उमेदवार दहावी आणि पदवी परीक्षा पहिल्याच प्रयत्नात उत्तीर्ण झाले असावे अशी अट होती. या जाचक अटीमुळे सरकारी नोकरी मिळवण्याची ईच्छा असणाऱ्या उमेदवारांमध्ये संतापाची लाट उसळली होती. यानंतर राज्यातील अनेक राजकीय पक्ष आणि नेत्यांनी या उमेदवारांची मागणी लक्षात घेत जाचक अट रद्द करण्यासाठी प्रयत्न केले. अखेर उमेदवारांची मागणी मान्य झाली असून, मुंबई महापालिकेने उमेदवारांनी दहावी आणि पदवी परीक्षा पहिल्या प्रयत्नात उत्तीर्ण झाले पाहिजेत ही अट रद्द केली आहे.