गोंदवले (जि. सातारा) : सुमारे 30 वर्षांपासून जगण्याची लढाई लढणाऱ्या पानवण (ता. माण) येथील अपंग व अनाथांसाठी गोंदवले बुद्रुकच्या श्री गणुचैतन्य सामाजिक विकास संस्थेने मदतीचा हात दिला. उमाकांत सामाजिक विकास संस्थेच्या विनाअनुदानित शाळा व वसतिगृहातील मुलांसाठी संपूर्ण शिधा देऊन गोंदवलेकरांनी सामाजिक बांधिलकी जोपासण्याचा प्रयत्न केला आहे.
पानवण येथील तोरणे कुटुंबीय गरीब, अनाथ आणि अपंग मुलांसाठी ज्ञानदानाचे काम करतात. उमाकांत सामाजिक विकास संस्थेच्या माध्यमामातून अध्यक्षा रमाताई व त्यांचे पती सखाराम तोरणे हे अविरतपणे झटत आहेत. शासनाकडून कोणतेही अनुदान मिळत नसल्याने दानशूरांच्या मदतीवरच हे कार्य सुरू आहे. या दुर्लक्षितांना मदतीचा हात देण्यासाठी गोंदवले बुद्रुक येथील श्री गणुचैतन्य संस्था सरसावली.
गेल्या दोन वर्षांपासून श्री ब्रह्मचैतन्य महाराज मोफत दिंडी सोहळा सुरू करून या वारकऱ्यांनी स्वखर्चातून मदत करण्याचा निर्णय घेतला आहे. त्यातूनच पानवणच्या संस्थेला महिनाभर पुरेल इतके अन्नधान्य देण्याचे निश्‍चित करण्यात आले. संस्थेच्या पदाधिकाऱ्यांनी स्वखर्चातूनच त्यासाठी पुढाकार घेतला. संस्थेचे अध्यक्ष निवृत्ती कट्टे, उपाध्यक्ष बापूराव कट्टे, सुरेश पाटोळे, अरुण कट्टे, गुरुनाथ पाटील, अनिल भोसले, हेमंत हास्पे, संजय कावळे, दादासो कट्टे, रामभाऊ कट्टे आदींनी पानवण येथे जाऊन ही मदत तोरणे दांपत्याकडे सुपूर्त केली.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.