दुर्गम डोंगरी भागातील पाठरवाडी झाले 'अंधमुक्त'; 'रोटरी'च्या प्रयत्नांना अखेर यश

उंडाळे (जि. सातारा) : तांबवेनजीक गमेवाडीजवळ असलेले अत्यंत दुर्गम डोंगरी विभागातील गाव म्हणून ओळख असलेले पाठरवाडी (ता. कऱ्हाड) कऱ्हाडच्या रोटरी क्‍लबच्या प्रयत्नातून अंधमुक्त झाले. 

पाठरवाडी हे अत्यंत दुर्गम भागात असून खडतर रस्ते, डोगरांत उंचीवर असलेल्या या गावात साधारणत: 300 ते 350 लोकसंख्या आहे. येथे ये-जा करताना व मानवी सुविधा पुरवताना प्रशासनासह ग्रामस्थांची मोठी पंचायत होते. अशाच दुर्गम भागात कऱ्हाड रोटरी क्‍लबने सामाजिक बांधिलकीतून गाव अंधमुक्त करण्याची तयारी सुरू केली. त्यानुसार रोटरी क्‍लबचे अध्यक्ष गजानन माने, सचिव डॉ. शेखर कोगनुळकर, रोटरियन व माजी अध्यक्ष नेत्ररोग तज्ज्ञ डॉ. राहुल फासे यांनी पुढाकार घेऊन नेत्र शिबिर आयोजित केले. तेव्हा गावातील लोकांची नेत्रतपासणी केली. त्यात चार रुग्ण मोतिबिंदू बाधित असल्याचे दिसून आले. 

पृथ्वीराज चव्हाणांचा घात करणारे काय विकास साधणार?; भाजपचे यादवांना चोख प्रत्युत्तर

त्यानुसार "रोटरी'ने तातडीने नेत्रशस्त्रक्रिया करण्याचे नियोजन केले. मंगळवारी सर्व नेत्ररुग्णांना स्वखर्चाने वाहनातून रोटरी क्‍लबच्या सदस्यांनी कऱ्हाडात डॉ. राहुल फासे यांच्या नेत्ररुग्णालयात दाखल केले. त्यांच्यावर नुकतीच शस्त्रक्रिया करून त्यांना नवी दृष्टी दिली. "रोटरी'चे रोटरियन राजेश खराटे, किरण जाधव, जगदीश वाघ, चंद्रकुमार डांगे, प्रबोध पुरोहित, सचिव डॉ. शेखर कोगनुळकर, अध्यक्ष गजानन माने यांच्यासह 63 सदस्यांनी गाव अंधमुक्त केले. "रोटरी'च्या सेवाभावी वृत्तीबद्दल पाठरवाडी ग्रामस्थांनी आभार मानले. 

Success Story : मुरमाड 38 गुंठ्यात शेतकऱ्याने मिळवले खरबूज, मिरची, फ्लॉवरमधून तब्बल दहा लाख

पुण्यात खोदकामात सापडली 1835 च्या काळातील सोन्याची नाणी; 216 नाण्यांनी उजळली साताऱ्याची तिजोरी

संपादन : बाळकृष्ण मधाळे