कोकण रेल्वेचा २४ला मेगाब्लॉक

कोकण रेल्वेचा
२४ला मेगाब्लॉक
कणकवली ः कोकण रेल्वे मार्गावर शुक्रवारी (ता.२४) मेगाब्लॉक घेतला जाणार आहे. यामुळे या मार्गावरील काही गाड्यांच्या वेळापत्रकावर परिणाम होणार आहे. हा मेगाब्लॉक सकाळी ७ ते ९.३० वा. सावर्डा ते भोके विभाग दरम्यान मालमत्तेच्या देखभालीसाठी घेतला जाणार आहे. साधारण अडीच तासांचा मेगाब्लॉक असल्याने गाडी क्र. १२६१७ एर्नाकुलम जं. ते निजामुद्दीन एक्स्प्रेसचा प्रवास २३ मे रोजी मडगाव जंक्शन दरम्यान दिड तासानंतर नियमित केला जाईल. गाडी क्र. २०९२३ तिरुनेलवेली ते गांधीधाम एक्स्प्रेसचा प्रवास २३ मे रोजी मडगाव जंक्शन येथे एक तास दहा मिनिटांसाठी नियमित केला जाईल.