मुंबईहुन गोव्याकडे निघालेली चारचाकी कोसळली नदीत; दोघे जखमी

वैभववाडी : शुकनदीच्या (Shuk River) पुलावरून ७० फुट खोल नदीत कार कोसळल्याची घटना आज दुपारी घडली आहे. सुदैवाने या अपघातात चारचाकीतील पाचही जण बचावले असुन दोघेजण जखमी आहेत. मुंबईहुन गोव्याकडे (Mumbai -Goa) निघालेली एक चारचाकी आज दुपारी एक वाजण्याच्या सुमारास एडगाव येथे आली. (Sindhudurg) वैभववाडीच्या दिशेने येत असताना शुकनदीच्या पुलावरून कार कोसळली. ७० फुट खोल नदीत पात्रात जावुन कार थांबली. या भीषण अपघाताची माहीती मिळताच तेथे लोकांनी मोठी गर्दी केली. (Konkan News) घटनास्थळी पोलिस आणि स्थानिकांनी धाव घेत कारमधील सर्वांना सुरक्षित बाहेर काढले.

दरम्यान, अपघातादरम्यान कारमध्ये एकुण पाचजण होते. त्यापैकी दोघेजण जखमी झाले आहेत. (Accident news) त्यांना तत्काळ येथील ग्रामीण रूग्णालयात उपचाराकरता दाखल करण्यात आले. या भीषण अपघातात सुदैवाने कारमधील पाचही जण बचावल्यामुळे अपघात पाहणाऱ्या सर्वांनी सुटकेचा निश्वास टाकला आहे. अपघातग्रस्त कारचे मोठे नुकसान झाले. अपघातात एअरबॅगमुळे जिवीत हानी टळल्याचे बोलले जात आहे.