ॲसिडचा टँकर दरीत कोसळला; चालक जखमी,भाट्येतील घटना

रत्नागिरी: शहरातील भाटये (Bhate)येथील अवघड वळणावर अॅसिड घेऊन जाणारा टॅंकर दरीत कोसळला. हा अपघात आज सायंकाळी झाला. टॅंकरला काही प्रमाणात गळती लगल्याने नागरिकांमध्ये भितीचे वातावरण आहे. फिनोलेक्स कंपनीचा टॅंकर (Finolex company tanker)असल्याने प्रथम अॅसिड काढून टॅंकर रिकामा केला जाणार आहे. अपघातात चालक जखमी झाला आहे. कंपनी, पोलिसांचे मदत कार्य सुरू आहे. acid-tanker-crashed-into-the-valley-kokan-case-marathi-news

शहराजवळील भाट्ये येथील यु आकाराच्या तीव्र उतारावर हा अपघात झाला. टँकर फिनॉलेक्स कंपनीतून लोटे येथे जात होता. अवघड वळणावर चालचाका ताबा सुटून हा टँकर दरीत उलटला. सुदैवाने या अपघातात चालक वाचला. अपघातामुळे काही प्रमाणात ॲसिड गळती सुरू झाल्याचे नागरिकांचे मत आहे. अॅसिड असल्याने फिनोलेक्स कंपनीचे अधिकारी तत्काळ घटनास्थळी दाखल झाले.

हेही वाचा- जिल्ह्यातला पहिलाच उपक्रम! माणगावकरांनी साकारले पहिले लहान मुलांचे डिजिटल कोविड सेंटर

पोलिस कर्मचारी, अधिकारीही दाखल झाले असून तत्काळ मदतकार्य सुरू केले आहे. मात्र या पाऊस असल्याने गळतीमुळे काही प्रमाणात अॅसिड जवळच्या विहिरींमध्ये जाण्याच्या शक्यतेने नागरिकांना पाणी न पिण्याच्या सूचना केल्या आहेत. पाणी तपासणी झाल्यानंतर ते पिण्यास परवानगी दिली जाणार आहे. तोवर पिण्याच्या पाण्याची गैरसोय होणार आहे. त्यामुळे कंपनीने पिण्याच्या पाण्याचा पुरवठा करावा, अशी मागणी स्थानिकांनी केली आहे.