महाराष्ट्र शासनाने गोमातेला राज्यमातेचा दर्जा दिल्यानंतरही कत्तलीसाठी गो तस्करी करणाऱ्या गाडीवर कारवाई

बांदा : महाराष्ट्र शासनानं गोमातेला (Cow) राज्यमातेचा दर्जा दिल्यानंतर कत्तलीसाठी गो तस्करी करणाऱ्या गाडीवर आज पहाटे इन्सुली खामदेव नाका येथे कारवाई करण्यात आली. ही गाडी देवगडहून कर्नाटकच्या दिशेने जात होती.

गायीला राज्यमाता दर्जा जाहीर केल्यानंतर देशी गाईंची तस्करी होण्याची ही राज्यातील पहिलीच घटना आहे. बांदा पोलीस ठाण्यात (Banda Police Station) पुढील कारवाई सुरु आहे.

गायींची तस्करी होण्याची माहिती गो रक्षकांना मिळाल्यानंतर त्यांनी पोलिसांच्या मदतीने महामार्गावर इन्सुली खामदेव नाका येथे सापळा रचला होता. गायींच्या बेकायदा तस्करीमुळे राज्यमातेचा दर्जा देऊनही गाय सुरक्षित नसल्याचे सिद्ध झाले आहे.