आव्हाडांविरोधात वेंगुर्लेत भाजपचे जोड़ेमारो आंदोलन

86890

आव्हाडांविरोधात वेंगुर्लेत
भाजपचे जोडेमारो आंदोलन
सकाळ वृत्तसेवा
वेंगुर्ले, ता. ३०ः महाड येथे डॉ. बाबासाहेब आंबेडकर यांचे छायाचित्र फाडून त्यांचा अवमान करणाऱ्या जितेंद्र आव्हाड यांच्यावर ॲट्रोसिटीचा गुन्हा दाखल करण्याची मागणी करत वेंगुर्ले भाजपच्यावतीने आज जोडेमारो आंदोलन करण्यात आले. यावेळी आव्हाड यांचा निषेध करण्यात आला.
शालेय शिक्षणाच्या अभ्यासक्रमात मनुस्मृतीचे श्लोक समाविष्ट केल्याच्या निर्णयाचा निषेध करत राष्ट्रवादी काँग्रेस शरद पवार गटाचे नेते आमदार जितेंद्र आव्हाड यांनी महाड येथे मनुस्मृतीचे दहन केले. यावेळी त्यांच्याकडून अनावधानाने डॉ. बाबासाहेब आंबेडकर यांचेही छायाचित्र फाडले गेले. या घटनेच्या निषेधार्थ आज गुरुवारी वेंगुर्ले-आनंदवाडी समाजमंदिर येथे भाजपच्या वतीने जोडेमारो आंदोलन करून आव्हाड यांचा निषेध करण्यात आला.
यावेळी भाजप जिल्हा उपाध्यक्ष प्रसन्ना देसाई, माजी नगराध्यक्ष दिलीप गिरप, तालुकाध्यक्ष सुहास गवंडळकर, बाबली वायंगणकर, मनवेल फर्नांडिस, दादा केळुसकर, वसंत तांडेल, पप्पू परब, ज्ञानेश्वर केळजी, प्रशांत खानोलकर, वृंदा गवंडळकर, प्रशांत खानोलकर, युवराज जाधव, आर. के. जाधव, विशाखा जाधव, मयुरेश जाधव, अर्जुन मठकर, दीपक जाधव आदी उपस्थित होते.