साखरपा (सिंधुदुर्ग) : कनकाडी इथे कॅमेलीयन जातीचा दुर्मिळ सरडा आढळून आला आहे. अमित पंडित यांच्या काजुच्या बागेत हा सरडा दिसला. पंडित हे सोमवारी त्यांच्या काजुच्या बागेत गेले असता कॅमेलीयन जातीचा हा अत्यंत दुर्मिळ सारडा त्यांना झाडाच्या फांदीवर दिसून आला. ह्याबाबत पंडित यांनी माहिती दिली. कॅमेलीयन जातीचा हा सरडा अत्यंत दुर्मिळ समाजाला जातो. आफ्रिकेत आढळणारा हा सरडा आपल्याकडे क्वचित दिसून येतो. साधारण सहा इंच लाब असलेला हा सारडा प्रामुख्याने झाडावर आढळून येतो.
हिरव्या रंगाचा असलेला हा सरडा, रंग बदलणारा सरडा म्हणून ओळखला जातो. ज्या झाडावर हा सारडा असतो त्या झाडाच्या पानाच्या रंगाप्रमाणे तो आपल्या रंगाची छटा बदलतो. ह्या सरड्याच्या गळ्यावर आणि पोटावर पांढर्‍या काटयांची ओळ दिसून येते. कॅमेलीयन सरड्याबद्दल अनेक गैरसमज आहेत. हा सरडा विषारी आहे, प्राण्यांना चावला तर प्राणी मरतो, माणसांच्या डोक्याला हा चावतो असे समाज असले तरी हे सगळे चुकीचे असल्याचे पंडित यांनी सांगितले. हा सरडा पूर्णत: बिनविषारी असून तो केवळ स्वसंरक्षणार्थ हल्ला करतो.
#कॅमेलीयन हा दुर्मिळ जातीचा सरडा
#रंग बदलण्यात पटाईत
#लांबी साधारण सहा इंच
#बिनविषारी जातीचा सरडा
संपादन- अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.