सावंतवाडी (सिंधुदुर्ग) : परळीत राहणाऱ्या 22 वर्षीय तरुणी पूजा चव्हाण हिने पुण्यात नुकतीच आत्महत्या केली. या प्रकरणावरुन सध्या गदारोळ माजला आहे. या प्रकरणात शिवसेनेचा मंत्र्यांचे नाव आल्याने विरोधकांनी त्यांच्यावर निशाणा साधला. महाविकास आघाडी सरकारमधील मंत्र्यांवर निशाणा साधत, या महाविकास आघाडी सरकारच्या दूरदृष्टीला सलाम! यांना माहीत होते, पर्यावरणमंत्र्याची "दिशा" चुकली, मग आता वनमंत्री "पूजा'' घालण्याच्या लायकीचे राहिले नाहीत, असा टोला आमदार नितेश राणे यांनी ट्वीट करुन लगावला आहे.
राणे म्हणतात, बाकी मंत्र्यांचे पण "कहानी घर घर की" चालू आहे आणि म्हणूनच ''जेल पर्यटन"चालू केले असावे! जनता मंत्र्यांना अजुन कुठे भेटणार ? अशी प्रतिक्रीया देत काही दिवसांपूर्वी ठाकरे सरकारने जेल पर्यटन सुरू करण्याचा निर्णय घेतला होता त्या मुद्दयावरुन सरकारवर हल्लाबोल केला. जे दिशा बरोबर झाले तेच पूजा बरोबर होणार असेल तर तो शक्ती कायदा का आम्ही चाटायचा का? असा सवालही नितेश राणे यांनी उपस्थित केला आहे.
या प्रकरणी भाजपच्या महिला उपाध्यक्षांनी थेट शिवसेनेच्या मंत्र्यावर प्रश्नचिन्ह उपस्थित केले आहे. दरम्यान शनिवारी मुख्यमंत्री उद्धव ठाकरे यांनी पूजा चव्हाण आत्महत्येप्रकरणी सखोल चौकशी केली जाईल, मात्र यानिमित्ताने कोणाला आयुष्यातून उठण्याचा प्रकार होता कामा नये अशी प्रतिक्रिया माध्यमांना दिली.
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.