साडवली : कोरोनाचा जिल्ह्यातील (corona) वाढता प्रादुर्भाव व नवीन आलेला डेल्टा प्लस व्हेरीएंट (delta plus variant) यामुळे संगमेश्वर तालुक्यातील (sangameshwar) नावडी, माभळे, कसबा, कोंडगाव ही गावे विषाणूबाधित क्षेत्र म्हणून जाहीर केली होती. यामुळे नागरिकांमध्ये संभ्रमावस्था होती. मात्र, सोमवारी नव्याने जाहीर झालेल्या कोरोना (ratnagiri district) नियमावलीप्रमाणे या गावातील निर्बंध शिथिल झाले असून सोमवारपासून सकाळी ७ ते संध्याकाळी ४ वाजेपर्यंत अत्यावश्यक सेवेतील व्यापार सुरू झाला आहे. कोंडगाव बाजारपेठ ७८ दिवसानंतर उघडण्यात आली. चाळीस गावे या बाजारपेठेवर अवलंबून आहेत.
रत्नागिरी जिल्हाधिकारी तसेच आरोग्यमंत्री राजेश टोपे (rajesh tope) यांनी, डेल्टाचे रुग्ण आढळले आहेत, असे जाहीर केल्याने निर्बंध कडक करण्यात आले होते. शासनाच्या निरीक्षणानुसार नावडी, माभळे, कसबा, कोंडगाव या भागात विषाणूबाधित क्षेत्र घोषित करण्यात आले होते. यावरुन गदारोळ सुरू झाला होता. नागरिकांनी या गावातील निर्बंध शिथिल करण्यासाठी आमदार शेखर निकम, राजन साळवी, तसेच मंत्री उदय सामंत यांच्या गाठीभेटी घेवून विनवण्या केल्या होत्या.
संगमेश्वरला सीईओच्या गाडीला घेराओ घातला होता. अखेर सोमवारपासून जिल्ह्यात कोरोनाचे निर्बंध शिथिल करण्यात आले. यामध्ये अत्यावश्यक सेवा सकाळी ७ ते सायंकाळी ४ यावेळेत सुरु राहतील, असे जाहीर करण्यात आले. यानुसार नावडी, कसबा, माभळे, कोंडगाव या गावातील निर्बंधही शिथिल झाल्याने या गावातील अत्यावश्यक सेवेची दुकाने उघडली गेली. संगमेश्वर तालुक्यात डेल्टा प्लस रुग्णाचा झालेला मृत्यू यामुळे तालुक्यात खळबळ उडाली होती.
शंभर टक्के टेस्ट करणार; सरपंच शेट्ये
सध्या शेतीचा हंगाम सुरू असल्याने बाजारपेठ सुरू होणे आवश्यक होते. मात्र, त्यासाठी सर्वांची कोरोना टेस्ट सुरू करण्यात आली व त्याला प्रतिसाद देखील चांगला मिळाला. टेस्ट शंभर टक्के करण्याचा मानस सरपंच बापू शेट्ये यांनी केला आहे.
आर्थिक घडी कोलमडली..
कोंडगाव बाजारपेठ कोरोना महामारीच्या वाढत्या संसर्गामुळे १४ एप्रिलपासून बंद होती. ७८ दिवस बाजारपेठ बंद असल्याने आर्थिक घडी कोलमडली होती. आता बाजारपेठ सुरू झाल्याने सर्वानाच हायसे वाटले. चाळीस गावे या बाजारपेठेवर अवलंबून असल्याने लॉकडाऊनमुळे या गावांतील जनता देखील लॉक झाली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
