आजतागायत कोकणातील कातळशिल्प रचनांमधील आढळून आलेली सर्वात मोठी मनुष्याकृती आहे. मनुष्यसदृश चित्ररचनेतील ३२ फूट लांबीची रचनाही येथे आढळली आहे.
राजापूर : उठावाचे चित्र असल्याचा भास निर्माण करणाऱ्या साधारण चौकोनी आकाराच्या अत्यंत क्लिष्ट आणि आकाराने भल्या थोरल्या रचना हे कोकणातील कातळशिल्पांच्या (Katal Shilp Konkan) रचनांमधील अनेक वैशिष्ट्य आहे. कोकणाव्यतिरिक्त जगामध्ये अन्य कोठेही न आढळणाऱ्या या कातळशिल्पांना ‘चौकोनी पट’ म्हणून ओळखले जाते. या सर्व चित्ररचनांमध्ये एकाही पाळीव प्राण्यांचे चित्रण आढळून आलेले नाही.