मंडणगड : मैत्री फाऊंडेशनने तिसऱ्यांदा रक्तदान शिबिराचे आयोजन करीत सामाजिक, राजकीय, शैक्षणिक, वैद्यकीय व प्रशासकीय अशा विविध क्षेत्रांतील व्यक्तींचे एकमेकांशी रक्ताचे नाते जोडण्याचे पवित्र काम केले. ६० रक्तदात्यांनी रक्तदान करून आपले कर्तव्य निभावताना पुढे केलेला मैत्रीरूपी हात आधार ठरतो आहे.
कोरोना काळातील मानवी रक्तांची वाढती आवश्यकता लक्षात घेऊन शहरातील मैत्री फाऊंडेशन या सामाजिक संस्थेच्या माध्यमातून २३ ऑक्टोबरला शहरातील डॉ. बाबासाहेब आंबेडकर स्मारकात महाड येथील जनकल्याण रक्तपेढीच्या मदतीने शिबिर आयोजित केले होते.
शिबिराचे उद्‌घाटन पोलिस निरीक्षक उत्तम पिठे, तालुका वैद्यकीय अधिकारी डॉ. देविदास चरके, तायक्काँदो अॅकॅडमीचे प्रशांत सुर्वे, विश्वदास लोखंडे, काजल लोखंडे, विनोद जाधव, वैभव कोकाटे, मैत्री फाऊंडेशनचे अध्यक्ष मनोज मर्चंडे, सखाराम मर्चंडे, बाळकृष्ण मर्चंडे आदींच्या उपस्थितीत झाले. उदय मर्चंडे, अभिषेक मर्चंडे, संकेत मर्चंडे, वैभव मर्चंडे, नयन मोरे, सुशांत मर्चंडे, नितेश मर्चंडे आदींनी जबाबदारी सांभाळली. त्या नागरिकांसाठी जीवनदान कोरोना काळात जाणवणारा रक्ताचा तुडवडा दूर करण्याच्या सामाजिक भावनेतून राबविलेला हा उपक्रम रक्ताची गरज भासणाऱ्या नागरिकांसाठी जीवनदान देणारा ठरतो आहे. या उपक्रमाचे कौतुक होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
