Loksabha Election : 'रायगड लोकसभेची जागा मीच लढवणार'; अजितदादांच्या 'त्या' घोषणेनंतर तटकरेही ठाम

रोहा : उपमुख्यमंत्री अजित पवार (Ajit Pawar) यांनी रायगडाच्या जागेची घोषणा केल्यानंतर रायगड लोकसभेची (Raigad LokSabha Election) जागा मीच लढवणार, असे खासदार सुनील तटकरे (Sunil Tatkare) यांनी ठामपणे सांगितले. रोहा तालुक्यातील गोवे ग्रामपंचायत क्षेत्रातील महामार्ग ते गोवे, मुठवली व शिरवली ते राष्ट्रीय महामार्गापर्यंत रस्त्याचे रुंदीकरणाच्या भूमिपूजनाचा सोहळा मोठ्या उत्साहात झाला.

या वेळी मनोगत व्यक्त करताना खासदार सुनील तटकरे बोलत होते. महाराष्ट्र सरकार प्रधानमंत्री ग्राम सडक योजना, महाराष्ट्र ग्रामीण रस्ते विकास संस्था अंतर्गत खांब ते शिरवली, मुठवली बु. गोवे या रस्त्याच्या कामाचे भूमिपूजन खासदार सुनील तटकरे यांच्या अध्यक्षतेखाली शनिवारी (ता. २) पार पडले.

या वेळी मुठवली ग्रामस्थांनी नदीकडे जाणारा रस्ता, तर गोवे नदीला संरक्षक भिंतीची मागणी केली. सरपंच महेंद्र पोटफोडे यांनीही आपले विचार मांडले. कार्यक्रमाची प्रस्तावना नंदकुमार मरवडे, नरेंद्र पवार यांनी केली. तर आभार पांडुरंग जाधव यांनी मानले.

या वेळी व्यासपीठावर रामचंद्र चितळकर, प्रकाश थिटे, बाबुराव बामणे, नारायण धनवी, वसंत मरवडे, मनोज शिर्के, संजय मांडुळस्कर, सरपंच महेंद्र पोटफोडे, किरण मोरे, उपसरपंच रंजिता जाधव, नरेंद्र जाधव, तानाजी मोरे, बालकृष्ण भोसले, रमण कापसे, लहू पिंपळकर, भाऊ कापसे, राकेश कापसे, संदीप जाधव, प्रवीण पवार, राजेंद्र जाधव, अनंता पवार, हरीचंद्र जाधव उपस्थित होत्या.