मुंबई- मुसळधार पावसाचा कोकण रेल्वेला मोठा फटका बसला आहे. मुसळधार पावसामुळे दिवाणखवटी बोगद्याजवळ दरड कोसळली असून गेल्या जवळपास १४ तासांपासून कोकण रेल्वे सेवा ठप्प आहे. यामुळे प्रवासी प्रचंड त्रस्त झाले आहेत. माहितीनुसार, दरड काढण्यासाठी आणखी तीन ते चार तास लागण्याची शक्यता आहे. रात्रीपासून रेल्वे गाड्या थांबल्या असल्याने प्रवाशांचे प्रचंड हाल होत आहेत.
दिवाणखवटी बोगद्याजवळ दरड कोसळली. संपूर्ण रेल्वे ट्रॅकवर चिखल साचला आहे. ट्रकवरील माती काढण्याचं काम युद्धपातळीवर सुरु आहे. जेसीबीची मदत घेण्यात आली आहे. पण, अद्याप हे काम पूर्ण झालेले नाही. त्यामुळे रेल्वे रात्रीपासून थांबून आहेत. पावसाचा जोर अद्याप कायम आहे. त्यामुळे माती दूर करण्यास अडथळा निर्माण होत आहे. जोपर्यंत दरड हटवली जात नाही तोपर्यंत रेल्वे गाड्या तेथेच थांबून असणार आहेत.
खेड रेल्वे स्थानकावर रेल्वे गाड्या उभ्या आहेत. सात गाड्या रद्द करण्यात आल्या आहेत, तर पाच गाड्या वेगळ्या मार्गाने हलवण्यात आल्या आहेत. सर्व यंत्रणा कामाला लावण्यात आल्या आहेत. मात्र, अद्याप प्रशासनाला यश आलं नाही. रात्रीपासून हे काम सुरु आहे. पण, अजून रेल्वे मार्ग क्लिअर करता आलेला नाही. त्यामुळे कोकण रेल्वेसेवा ठप्प असणार आहे. वेगवेगळ्या स्थानकावर प्रवाशांची गर्दी झाली आहे.
-पुणे- एर्नाकुलम नेत्रापती एक्स्प्रेस
-गांधीधाम एक्स्प्रेस
-निझामुद्दीन एर्नाकुलम एक्स्प्रेस
-दिवा रत्नागिरी
-सावंतवाडी रोड-दादर-तुतारी एक्स्प्रेस
-मंगळुरु जंक्शन-सीएसएमटी एक्स्प्रेस रद्द
-मडगाव जं. मुंबई सीएसएमटी मांडवी एक्स्प्रेस
-सावंतवाडी रोड दिवा एक्स्प्रेस
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
