महाड : तालुक्यातील नडगाव येथील जमीन व्यवहारात फसवणूक केल्‍याप्रकरणी एमआयडीसी पोलिसांनी मुद्रांक विक्रेता व आणखी एका व्यावसायिकाला अटक केली आहे. यामुळे अटक झालेल्यांची संख्या पाच झाली आहे.
महाड एमआयडीसी पोलिस ठाण्यामध्ये जमीन व्यवहारात फसवणूक केल्याप्रकरणाची तक्रार २०२२ मध्ये दाखल करण्यात आली होती. पोलिसांनी तीन व्यावसायिकांना दोन दिवसांपूर्वी अटक केली. भानजी पटेल, विश्राम पटेल आणि सचिन गुजर अशी अटक केलेल्या व्यावसायिकांची नावे आहेत.
चंद्रकांत मोरे आणि विश्राम पटेल यांच्या संयुक्त मालकीची नडगाव येथे १०८ गुंठे जागा होती. हे माहिती असतानाही मनजी भानजी पटेल आणि विश्राम पटेल यांनी बनावट अखत्यार पत्र तयार करून जागेची विक्री सचिन गुजर यांना केली.
एमआयडीसी पोलिस ठाण्यामध्ये तीन व्यावसायिकांविरोधात फसवणुकीचा गुन्हा दाखल करताच त्‍यांनी सर्वोच्च न्यायालयामध्ये अटकपूर्व जामीन मिळावा, यासाठी याचिका दाखल केली. परंतु न्यायालयाने जामीन फेटाळल्याने तिघांना पोलिसांनी अटक केली.
जमीन व्यवहारात फसवणूक केल्‍याप्रकरणी पाच आरोपींना माणगाव सत्र न्यायालयात हजर करण्यात आले असता, न्यायालयीन कोठडी सुनावण्यात आली आहे. याप्रकरणी पोलिस कसून तपास करीत असून अनेकांचे जबाब नोंदवले जात आहेत. त्यामुळे जमिनींची खरेदी-विक्री करणाऱ्यांचे धाबे दणाणले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.